Pattaya

Pattaya - strönd séð úr lofti
 

Pattaya

Pattaya er einn stærsti ferðamannastaður Taílands. Þrátt fyrir orðspor sem rauðu-ljósa hverfi Taílands, flykkjast meira en fimm milljónir manns til Pattaya á hverju ári – og ekki bara einhleypir karlmenn heldur bakpokaferðamenn og fjölskyldur, því það er nóg að gera fyrir allar týpur ferðamanna.

Í Víetnamstríðinu varð Pattaya vinsæll ferðamannastaður. Nú er þar óvenjuleg blanda: Go-go barir, golfvellir, veitingastaðir og auðvitað strendur, sem bjóða upp á einhver bestu tækifæri Tælands til að stunda íþróttir og skemmta sér í vatninu.

Hvað er að gera og sjá á Pattaya?

Fyrir suma ferðamenn er “naughty næturlífið” í Pattaya aðalaðdráttaraflið. En ef þú ert bakpokaferðamaður með “venjuleg” áhugamál muntu sjá að Neðansjávarheimurinn (Underwater World) er vel heimsóknarinnar virði – eins og nafnið gefur til kynna er það risastórt sædýrasafn með heillandi dýrum.

Kíktu líka á Apamiðstöðina (Monkey Center) eða taktu þátt í alþjóðlegu snákasýningunni. Pattaya býður upp á nokkra skemmtigarða og söfn, musteri og risastór Búddalíkneski sem laða að sér marga ferðalanga.

Strendur á Pattaya

Aðalströndin á Pattaya liggur meðfram miðbænum frá norðri til suðurs í næstum 3 kílómetra. Það er staður þar sem mikið gengur á og þar finnur þú marga bari, veitingastaði, verslanir og diskótek meðfram ströndinni. Ströndin er lifandi dag og nótt og það er eitt af því sem er mest spennandi að upplifa í bænum. Ef þig langar í afslappaðri og hljóðlátari strönd er Jomtien ströndin til suðurs yfirleitt fjölskylduvænni.

Matur og drykkur í Pattaya

Það er ótrúlegt úrval veitingastaða á Pattaya! Þú kemst fljótt að því að Pattaya er alþjóðlegur staður með matargerðarlist frá flestum heimsálfum heims. En ekki gleyma að þú ERT í Taílandi og Taílenski maturinn er yfirleitt besti valmöguleikinn.

Að versla á Pattaya

Á Pattaya er frábært að missa sig í að versla. Það eru fleiri en ein verslunarmiðstöð, verslanir og flóamarkaðir. Bíó, kaffihús og veitingastaðir eru aldrei langt frá þegar þú þarft að taka þér pásu.

Loftslag á Pattaya

Á Pattaya er hitabeltisloftslag sem þýðir að annaðhvort er hlýtt og þurrt eða heitt og rakt. Besti tíminn til að heimsækja Pattaya er milli jóla og nýárs.

Contact