Það er einstök upplifun að ferðast til Perth en þér gæti líklega liðið svolítið eins og þú sért á leiðinni á hjara veraldar. Borgin er staðsett langt frá öðrum borgum og er landsvæðið í kring mjög tómlegt. Hinsvegar hefur það þá kosti að ekki margir ferðamenn fara þangað og því getur þú haft þessa einstöku borg út af fyrir þig!
Hvað á að gera og sjá í Perth?
Í gegnum borgina rennur hin skemmtilega Swan River eða Svanaá en hún fær nafnið frá svörtu svönunum sem halda til á svæðinu. Gakktu meðfram ánni og stoppaðu inn á milli í einum af fallegu görðunum sem þar eru að finna. Hentu þér á grasið og njóttu sólarinnar! Frægasti garður borgarinnar, Kings Park, er í vesturhluta borgarinnar þar sem það er fullkomið fyrir þig að setjast niður með gott nesti. Farðu einnig í leiðinni upp bygginguna Mt. Eliza og njóttu útsýnisins yfir Perth.
Ef þú villt versla og kynnast næturlífinu farðu þá á Hay Street og Murray Street. Þar munt þú finna flottar verslanir, bari, kaffihús og veitingastaði.
Staðsetning borgarinnar við Indlandshafið gerri það að verkum að þú verður að koma við á ströndinni. Það eina sem þú verður að gera er að koma þér niður í úthverfi borgarinnar en þar finnur þú strax frábærar strendur og tæran sjó. Við mælum með að þú kíkir á strendurnar í Fremantle og Rottnes Island hverfunum og ef þú ferð til Bunbury (í suðurhluta borgarinnar) kemst þú mögulega í návígi við höfrunga!
Það er tvennt sem þú skalt ekki láta fram hjá þér fara það er sædýrasafnið Aquarioum of Western Australia og listasafnið Art Gallery of Wester Australia. Í sædýrasafninu getur þú gengið eftir 90 metra löngum glergöngum og fylgst með sjávarlífinu allt í kringum þig. Hákarlar, skjaldbökur, gaddaskötur og fiskar í öllum regnbogans litum eru bara nokkur dæmi um það sem þú munt sjá. Það er virkilega heillandi að vera umlukinn vatni og sjávarlífi á alla vegu.
Áströlsk vín og vínsmökkun
Í um 300 km fjarlægð frá Perth, í kringum bæinn River Margaret, finnur þú ekki aðeins einstakar strendur heldur einnig nokkrar af bestu vínökrum Ástralíu. Þá eru einnig nokkrir vínakrar nær Perth eða í Swan Valley og er fullkomið að fara þangað í dagsferð! Ekki gleyma að prufa Houghton vínin en þau eru algjör klassík á þessum slóðum.