Ástralía

Whitsundays - Ástralíu
 

Ferðir til Ástralíu - Heill heimur af möguleikum

Í Ástralíu finnur þú fullkomnar surf-strendur, einstaka náttúrufegurð, afslappað fólk, líflegar borgir og fjörugt næturlíf. Þú skalt þó hafa í huga þegar þú ert að skipuleggja ferð um Ástralíu að landið er stærra að flatarmáli en Evrópa! Kauptu ferðina þína til Ástralíu með KILROY.

Sydney, Ástralía

Austurströnd Ástralíu - stórborgir og surf

Austurströnd Ástralíu er mjög vinsælt svæði á meðal bakpokaferðalanga, alveg frá Sydney til Cairns. Á þessu stóra svæði er mikið um langar, yfirgefnar strendur þar sem er að finna fullkomnar brimöldur fyrir áhugamenn um surf. Hér eru einnig miklar partýborgir og hrífandi landslag. Náttúran afhjúpar sitt besta hér, sérstaklega í Queensland í norðri þar sem regnskógar og kóralrif mætast. Á fáum stöðum í heiminum er að finna fallegri hitabeltiseyjar og kóralrif en Whitsunday-eyjar eða Great Barrier Reef.

Það er magnað að snorkla og kafa við Great Barrier Reef

Töfrandi Ástralía - The Red Centre

Austurströndin er heillandi, en það er vel þess virði að ferðast hundruði kílómetra til að heimsækja norðurhluta Ástralíu. Í hitabeltishluta norðursins er að finna borgina Darwin þar sem alltaf er heitt og rakt. Aðeins sunnar er svo hinn frábæri Kakadu þjóðgarður með sínum fallegu fossum, gljúfrum og villta dýralífi, t.d. saltvatns krókódílum!

Ef þú ferð svo enn sunnar í hinar óendanlegu óbyggðir Ástralíu, eða hina svokölluðu rauðu miðju, finnurðu dulmagnaða staði eins og hinn 335 metra háa sandstein Uluru (eða Ayers Rock) í Uluru-Kata Tjuta þjóðgarðinum sem er talinn vera stærsti sandsteinn heims og í augum innfæddra er steinninn heilagur. Hann er rauðbleikur en skiptir um lit eftir því hversu hátt sólin er á himninum. Þessi hluti Ástralíu er svo sannarlega töfrandi.

Ayers Rock eða Uluru - Ástralía

Vestur Ástralía - villt og falleg

Ef þig langar að forðast helstu túristastaðina en á sama tíma upplifa hluta af landinu sem er bæði öðruvísi og einstakur þá mælum við með að þú farir vestur. Vesturströnd Ástralíu er vægast sagt risastór, yfirgefin og villt - mjög villt - spennandi og ótrúlega falleg. Hér finnur þú sumar fallegustu og óspilltustu strendur heims, magnaða kletta og gljúfur og glæsileikinn og kyrrðin er í fullkomnu jafnvægi. Færri ferðalangar heimsækja vestur Ástralíu, en þeim sem þangað fara er mjög vel tekið af heimamönnum sem taka á móti þeim með opnum örmum. 

Það er mjög vinsælt að fara í road trip um Ástralíu

Lifðu eins og Ástrali

Þetta er aðeins lítið brot af því sem hægt er að sjá og upplifa í þessu heillandi landi - nú þarftu bara að leggja af stað svo þú getir upplifað allt hitt sem Ástralía hefur upp á að bjóða! Þú munt þó eflaust fá leið á kóalabjörnum og kengúrum á einhverjum tímapunkti ferðalagsins. Að ferðast um Ástralíu er eitt, en að eyða nægilega löngum tíma í Ástralíu svo maður virkilega nái að njóta landsins og menningarinnar er allt annað. Það er algjörlega þess virði að dvelja í lengri tíma á sama stað til að kynnast fólkinu, aðlagast lífsstíl heimamanna og eignast nýja vini. Ástralir elska útiveru og alla afþreyingu sem á sér stað undir berum himni - sama hvort það er þeirra ástkæra BBQ með köldum bjór eða aðeins meira krefjandi útivist líkt og surf, krikket eða fótbolti. Borgir eins og Sydney, Melbourne og Adelaide eru frábærir staðir til að kynnast áströlskum lifnaðarháttum en í Ástralíu er einnig að finna mikinn fjöldia lítilla og heillandi staða sem henta vel fyrir bakpokaferðalanga.

Það er ekki hægt að tala um Ástralíu og Ástrali án þess að minnast á surf! Þetta er hálfgerð þjóðaríþrótt og surfmenningin er allsráðandi á Austurströndinni. Ef þú hefur aldrei stigið á brimbretti mælum við með því að læra að surfa í Ástralíu svo þú getir tekið þátt í fjörinu!

Að surfa í Ástralíu er algjör snilld!

Nám í Ástralíu 

Að læra í Ástralíu er að verða sífellt vinsælla og fólk er byrjað að átta sig á öllum þeim möguleikunum sem það hefur upp á að bjóða. Háskólar í Ástralíu bjóða upp á mikið úrval ólíkra námsbrauta sem eru alþjóðlega viðurkenndar og því er mikið um nemendur frá öllum heimshornum, en áströlsk yfirvöld hafa strangt gæða-eftirlit með öllum þeim háskólum sem taka við nemendum frá öðrum löndum. Þar að auki er nokkuð ódýrt að læra í Ástralíu. 
Lestu meira um nám í Ástralíu hér

Þú hittir vonandi nokkra svona á leið þinni um Ástralíu

Langar þig að heimsækja Ástralíu?
Hafðu samband!

Hafa samband