Karíbahafið

Listmálari á ströndinni í Karabískahafinu
 

Karabíahafið - ógleymanleg upplifun!

Eyjarnar í Karíbahafi eru rétti staðurinn ef þú vilt liggja allan daginn í hengirúmi með svalandi drykk í annarri og myndavélina í hinni. Fullkominn staður til að slaka á og hlaða batteríin. Fyrir ævintýragjarna er þar einnig að finna ógrynni af margvíslegu vatnasporti og náttúran er sannarlega stórfengleg. Karabísku eyjarnar eru mjög vinsæll viðkomustaður í bakpokaferðalögum þegar ferðast er um Norður-, Mið- og Suður-Ameríku. Bókaðu ferð til Karíbahafsins með KILROY!

Í Karíbahafinu, sem nær frá syðsta hluta Flórída til Venesúela, eru fleiri en 7000 eyjar. Þrátt fyrir að þetta sé nokkuð lítið landsvæði eru eyjarnar ansi menningarlega frábrugðnar hver annarri og hápunktar ferðalags til Karíbahafsins eru því margir. Kjörinn áfangastaður fyrir þá sem vilja uppgötva nýja menningarheima og á sama tíma njóta lífsins á hvítum ströndum.

Hinar fjölmörgu Karabísku eyjar - Land fyrir smekk hvers og eins!

Kúba

Ferðast til Havana á Kúbu - KILROY

Kúba er uppáhald margra ungra ferðamanna sem heillast af áhugaverðri sögu landsins sem og frábærri tónlistar- og dansmenningu þess. Þegar þú ferðast til Kúbu hefurðu mikla möguleika á að bæta þekkingu þína á sögunni - en einnig færni þína í rommdrykkju og vindlareykingum! Á Kúbu bjóðast tækifæri  fyrir margs konar upplifanir og afþreygingar; að læra spænsku í tungumálaskóla í hinni heillandi höfuðborg Havana og fá menninguna bent í æð, að sleikja sólina á ströndinni eða á sundlaugabakkanum á hóteli þar sem allur matur og drykkur er innifalinn eða að skella sér í spennandi ævintýraferð til að virkilega kynnast eyjunni. Sama hvað þú velur að gera, þá verður heimsókn til Kúbu alltaf ógleymanleg upplifun!

Jamaíka

Montego Bay á Jamíka - KILROY

Jamaíka er einnig athyglisverður og spennandi staður sem býr yfir mikilli menningararfleifð. Ef reggie-tónlist heillar þig er Jamaíka algjörlega málið - fæðingarstaður og miðstöð tónlistarinnar. Afslappað og brosandi fólk, partý-andrúmsloft, skærir litir og einstakar strendur eru helstu einkenni þessarar fallegu eyju. 

Dóminíska Lýðveldið

Catedral Santo Domingo í Dóminíska lýðveldinu - KILROY

Annað dæmi um áfangastað sem er mjög vinsæll meðal ungs fólks er Dóminíska lýðveldið. Helstu ástæðurnar eru afar lágt verðlag, frábærar strendur og fullkomin vindskilyrði fyrir ýmis vatnasport, s.s. brimbretti.

Trinidad og Tóbagó

Parlatuvier Bay á Tobago - KILROY

Í Trinidad og Tóbagó er haldið mjög stórt og mikið karnival í febrúar ár hvert þar sem sannkölluð Karabísk partý-stemmning ríkir og tónlist, dans og gott skap eru allsráðandi. Fullkominn áfangastaður fyrir þá sem vilja lífga upp á  strandarferðina með nóg af skemmtilegri tónlist og seiðandi dansi.

Fáðu hjálp við val á bestu eyjunni fyrir þig

Þessar eyjar eru aðeins lítið brot af því sem Karíbahafið hefur upp á að bjóða. Hægt er að velja á milli mun fleiri spennandi eyja og því mælum við með að þú hafir samband við ferðasérfræðinga okkar hjá KILROY sem geta hjálpað þér við að velja þá eyju sem hentar best fyrir þig eða jafnvel sérhannað ferð sem gefur þér möguleikann á að "hoppa" á milli eyja. Það gæfi þér tækifæri á að fá innsýn inn í ólíkar hefðir og mismunandi menningu eyjanna og þannig upplifa sem mest af því sem Karíbahafið hefur upp á að bjóða.

Að komast til Karíbahafsins

Það eru margar mismunandi leiðir til að komast til Karíbahafsins. Einungis er hægt að fljúga beint til fárra eyjanna frá Evrópu og því er mjög líklegt að þú þurfir að millilenda á leiðinni. Að finna þægilegustu og ódýrustu leiðina á internetinu getur verið þrautinni þyngra og því mælum við með að þú hafir samband við ferðaráðgjafa KILROY sem getur aðstoðað þig við að velja bestu leiðina að eyjunum - og þegar þú ert svo loks komin(n) á staðinn er þá ekki tilvalið að nýta tækifærið sem best og heimsækja sem flestar eyjar?

Höfrungar við Bahamas - KILROY

Gisting á eyjum Karíbahafsins

Ef þú vilt fá sem mest fyrir peninginn skaltu gista á hótelum sem bjóða upp á "allt innifalið" pakka. Fyrir nánast sama verð og á venjulegum hótelum færðu allt fæði og alla drykki innifalið í verðinu. Annar möguleiki er að gista á minni hótelum, svokölluðum 'budget' hótelum. Fullvissaðu þig alltaf um að hótelið sé vel staðsett áður en þú bókar því ódýrari hótelin geta stundum verið staðsett langt frá öllu lífinu og fjörugustu stöðunum.

Verðlag á Karíbahafinu

Karíbahafið er almennt álitið vera dýr áfangastaður. Verðlag er þó mjög misjafnt á milli eyja. Ef þú velur að gista á  'allt innifalið hóteli' geturðu nánast lifað á loftinu á meðan þú ert á staðnum. Þú getur svo auðvitað stjórnað eyðslu þinni mjög mikið með því að velja á hvaða stöðum þú borðar eða eyðir tíma þínum - með hinum ríku og frægu á 'hipp og kúl' börum og veitingastöðum, eða með heimamönnum á götueldhúsum.

Hvenær er best að ferðast til Karíbahafsins?

Fellibyljatímabilið er vanalega frá maí til október (en getur þó verið breytilegt á milli ára). Á þessu tímabili getur veðrið verið mjög óstöðugt og hætta á stöku fellibyljum - en á móti kemur að á þessum tíma er almennt ódýrara að ferðast. Aðra mánuði ársins er veðrið nánast alltaf gott. 

Langar þig að ferðast um Karabíahafið?
Hafðu samband!

Contact