Jamaíka

Rastafari
 

Jamaíka - Reggie man

Jamaíka er hitabeltisparadís sem er staðsett rétt sunnan við Kúbu og er klárlega perla Vestur-Indía eyjanna. Reggí tónlist og lífleg menning þjóðarinnar hafa haft áhrif um allan heim. Segja má að Jamaíka sé paradís á jörð! Hjá KILROY getur þú fundið ódýr flug til Jamaíka!

Syngdu með hinu fræga reggí lagi, Montego Bay, njóttu ferskra drykkja úr heimsins besta rommi eða kafaðu í kristaltæru vatni. Jamaíka mun heilla þig! Á norður- og vesturströndinni eru margar af frægustu hitabeltisströndum landsins. Inn til landsins er stórkostlegt landslag; fjalllendi, neðanjarðarhellar og ár sem eru umkringdar framandi plöntum.

Saga Jamaíka

Kristófer Kólumbus fann Jamaíka seint á 15. öld en eftir það varð eyjan spænsk nýlenda. Nokkrum árum seinna varð eyjan svo hertekin af Bretum. Hins vegar hafa margar kynslóðir af hippum hertekið eyjuna á síðari árum – heillast af eyjunni sjálfri, reggí tónlistinni og líflegri menningu. Jamaíka er áfangastaður sem hentar öllum tegundum af ferðamönnum en þeir eiga allir sameiginlegt að elska sólina, strendur og líflegt andrúmsloft.

Lífið á Jamaíka

Mottó Jamaíka eru „No Problem“ og „No Worries“ (lesist með syngjandi jamaískum hreim)! Reggí tónlist er spiluð alls staðar og litrík merki um reggí menningu eru hvar sem þú ferð. Þessi tónlistarstefna hefur gefið okkur vinsæla listamenn eins og Bob Marley, Sizzla, Elephant Man, Brick & Lace, Sean Paul og marga fleiri.

Sólin, hafið og Jamaíka

Slakaðu á í hengirúmi í skugganum af pálmatré og hlustaðu á hafið. Flestir ferðamenn koma til Jamaíka vegna himneskra stranda og paradísarveraldarinnar í Montego Bay – borgar sem hefur verið gerð ódauðleg í samnefndu Bobby Blooms lagi. Þó er hægt að upplifs miklu meira á Jamaíka en bara fallegar strendur. Kristaltær sjórinn sem umlykur eyjuna er frábær til að stunda vatnaíþróttir eins og köfun og surf. Fáðu þér sæti og njóttu fallegra sandstranda á borð við Negril, dáðstu að sandöldum Sjö mílna strandarinnar (e. Seven Mile Beach) eða njóttu útsýnisins við hina fallegu Dunn River fossa í Ocho Rios.

Fyrir þá sem vilja meira: Golf, gönguferðir og markaðir

Ef þú verður leiður á letilífinu á ströndinni mælum við með því að þú farir í gönguferð upp á Blue Mountain Peak. Þetta er hæsti tindur Jamaíka og þaðan sérðu eyjuna frá algjörlega nýju sjónarhorni. Hægt er að leika golf í fallegu umhverfi á fjölmörgum golfvöllum, svo sem Half Moon Golf Club eða Cinnamon Hills Golf Club. Kíktu á markaði þar sem þú getur fengið frábæra minjagripi og fullt af áhugaverðum hlutum.  Hvar sem þú ferð á Jamaíka munt þú upplifa heillandi umhverfi, fallega náttúru og bros sem þú munt vilja endurgjalda!

Kingston – Höfuðborg Jamaíka

Kingston er höfuðborg Jamaíka og líka stærsta enskumælandi borgin í Karíbahafi. Þetta er frábær staður til þess að skoða menningu og sögu Jamaíka. Farðu á Bob Marley safnið þar sem þú munt skemmta þér vel og fá innsýn í líf reggí-hetjunnar. Ef þig langar að djamma alla nóttina er Kingston líka rétti staðurinn fyrir þig.

Matur og drykkur á Jamaíka

Ferð til Jamaíka er ekki fullkomnuð nema þú hafir fengið tækifæri til að prófa alvöru jamaískt romm. Þetta er sterkur drykkur sem gæti látið þig finna aðeins á þér! Jamaísk matargerð er frábær og mikið er um grillaðan mat, fisk og sjávarrétti með litríkum og ilmandi kryddum. Við lofum ævintýralegri máltíð!

Gisting á Jamaíka

Frábær valkostur er að gista á litlum ódýrum hótelum en gættu þess að athuga staðsetninguna því ódýrustu hótelin geta verið staðsett langt í burtu frá fjörinu. Það gæti verið þess virði að borga aðeins meira til að vera miðsvæðis.

Hvenær er best að fara til Jamaíka?

Jamaíka er með heittemprað veðurfar en vegna vinda sem koma frá Karíbahafi verður sjaldan of heitt þar. Háannatími er frá desember-apríl en regntímabilið frá maí-nóvember.

Contact