El Salvador

Sólin sest
 

El Salvador – Köfunarparadís, svartur sandur og strendur

Það hafa ekki margir ferðamenn farið í leiðangur til El Salvador. Eldfjallalandslag, frábær skilyrði fyrir surf, svartur sandur og strendur gera landið að mjög flottum áfangastað. Þeir sem hafa gaman af því að ganga finna fullt af tækifærum til þess.

El Salvador er minnsta land Mið-Ameríku en það er fyrir þá sem elska að fara til staða sem aðrir ferðamenn hafa ekki enn fundið. Menn minnast landsins oft fyrir ofbeldisfulla fortíð þess, en í nútímanum hefur það allt breyst. Íbúar landsins eru vingjarnlegir og náttúra landsins er stórbrotin. Fjöllin, eldfjallalandslagið og fallegir skógar gera landið að paradís fyrir göngufólk.

Faldir gimsteinar í El Salvador

El Salvador er full af vistfræðilegum gimsteinum sem fáir skoða en einn sá alflottasti er Parque Nacional Montecristo - El Trifinio. Garðurinn er staðsettur í mikilli hæð í þessum þokukennda regnskógi og þar er mjög áhugavert náttúrulíf. Fáðu leyfi hjá Wild Life Service og skoðaðu brönugrös og sjaldgæfa köngulóarapa. Ef heppnin er með þér gætir þú jafnvel séð fjallaljón.

Parque Nacional Los Volcanes er virkilega fallegur þjóðgarður sem nær umhverfis þrjú eldfjöll. San Salvador eldfjallið hefur tvo tinda og það er vegur upp á topp. Þaðan er frábært útsýni yfir gíginn!

Lago de Coatepequeer tært og hreint eldfjallavatn sem er umkringt af fjallstindum. Það er fullkomið að fara í dagsferð þangað. Ekki gleyma sundfötunum!

Nýlenduborgirnar bjóða upp á áhugaverða staði eins og söfn sem sýna hina miklu sögu landsins. Borgin San Salvador er ekkert svo spes; þar eru verslunarmiðstöðvar og pizzastaðir en í raun er borgin fátækleg og skítug. Skoðaðu frekar smærri þorp.

Eitt af fallegu fjöllum El Salvador

Surf, köfun og önnur afþreying í El Salvador

Öldurnar í El Salvador eru fullkomnar fyrir surf. Það eru margar frábærar surf strendur en sumar þeirra henta betur reyndu brimbrettafólki. Taktu strætó (e. chicken bus) eða leigubíl frá strandarbænum La Libertad til norðurs en þar finnur þú indælar minni strendur þar sem er næstum enginn annar. Playa Zunzal og Tunco eru mjög fallegar strendur.

Bestu staðirnir fyrir köfun eru á Los Cóbanos ströndinni en þar eru kóralmyndanir allt um kring. Það eru líka mörg tækifæri fyrir gönguferðir.

Að komast á milli staða í El Salvador

Farðu með flugi til San Salvador. Leigubílar og litlir strætisvagnar,  colectivo, eru þægileg leið til þess að komast á milli staða. Mjög góð, alþjóðleg, rútufyrirtæki koma við í Terminal Puerto Bus í San Salvador. Rúturnar sem fara á milli borga eru gamlir bandarískir skólabílar sem hafa verið málaðir í öllum regnbogans litum. Þetta er ódýr ferðamáti en ekki svo þægilegur. Ef þú vilt leigja bíl, getur þú gert það í San Salvador.

Þegar þú ferðast frá Hondúras ferðu yfir landamæri og ættir því að skoða tímatöflurnar vel.

Öryggi

Staðreyndin er sú að þú munt sjá mikið af litlum vopnum á strætum úti. Gættu þín þegar þú ferðast á vegum úti og þjóðvegum þar sem glæpir eru oft framdir þar. Það er alltaf best að forðast það að ferðast þegar er orðið dimmt. Fyrsta flokks rútur eru alltaf öruggari en ódýrari kosturinn. 

Hafa samband