Katar

Þú getur heimsótt Katar með því að breyta millilendingu í Doha í nokkurra daga stopp!
 

Ferðir til Katar - Nútímaleg Mið-Austurlönd

Á ferð þinni um Katar færðu innsýn inn í hvernig auðæfi og nútímavæðing eru á hraðri leið með að breyta þessu hefðbundna arabíska landi í framúrstefnulegt Disneyland með dýrum hótelum og verslunarmiðstöðvum. Á sama tíma getur þú upplifað eyðimörkina og óhefðbundin náttúruundur. Bókaðu ferðina þína til Katar með KILROY!

Í Katar upplifir þú ekki hina dulspekilegu hlið Mið-Austurlanda eða Þúsund og eina nótt. Þetta land býður upp á aðra hluti. Síðan olían sigraði heiminn, á síðari hluta 19. aldar, hefur Katar orðið eitt af ríkustu löndum í heimi. Auðugir höfðingjar (e. sheikhs) eyddu milljónum í að breyta þessu gamla arabaríki í nútímalegt land með framúrstefnulegum byggingum.

Katar – fremst í flokki Mið-Austurlanda

Fjöldi ferðamanna sem heimsækja Katar hefur aukist hratt á síðustu árum og nú koma þangað rúmar 2 milljónir ferðamanna á hverju ári, sem er jafn mikið og íbúafjöldi landsins. Ákveðin breyting hefur átt sér stað í markaðssetningu á landinu til ferðamanna og er nú meira gert út á hinn „sanna arabíska anda″ en áður var gert. Þú getur því heimsótt stóra markaði, glitrandi moskur, gist í tjöldum, borðað á teppum inni í dimmum hellum og látið skrúbba á þér bakið í hefðbundnum baðhúsum. Allt er þetta þó byggt inn í lúxushótel og það er aldrei langt í munaðinn og ríkidæmið. Besta leiðin til að lýsa heimsókn til Katar er að þú átt von á einhverskonar 1001 nótt Disneylandi.

Ferðir til Katar með KILROY - nýttu millilendinguna í Doha

Hvernig þarf ég að klæða mig í Katar?

Áður en þú pakkar niður og leggur af stað til Katar ættir þú að minnast þess að íbúar landsins eru Wahhabi múslimar, eins og í Sádi-Arabíu. Það þýðir að þeir drekka ekki áfengi og karlar jafnt sem konur klæðast hefðbundnum fatnaði. Það er mælst til þess að ferðamenn hylji sig að ákveðnu leyti:

  • Karlar: Ekki vera í stuttbuxum eða hlírabolum - best að hylja hné og axlir.
  • Konur: Ekki vera í þröngum, stuttum eða fleignum fatnaði - best að hylja hné, axlir (eða jafnvel olnboga) og viðbein.

Að öðru leyti er Katar frjálst múslimaríki og síðan 1995 hefur verið fjölmiðlafrelsi í landinu. Al-Jazeera sjónvarpsstöðin kemur einmitt frá þessu svæði.

Hvenær er best að heimsækja Katar?

Þú ættir að forðast ferðalög til Katar yfir sumarmánuðina (maí til september) þegar meðalhitinn er 35° og rakastigið er allt að 90%. Ef það er ekki nóg til að stöðva þig þá ættir þú að vita að þar eru líka reglulegir sandstormar. Aðra mánuði ársins er veðrið fínt.

Ferðir til Doha - Katar | KILROY

Doha – stórborg með framtíðarsýn og dýr hótel

Nútímaborgin Doha er ekki einungis byggð á ríkidæmi heldur einnig á framtíðarsýn og trú á það að viðhalda megi núvernadi lifnaðarháttum í Katar - jafnvel eftir að olían klárast. Svimandi há hús og byggingarkranar teygja sig til himins.

Aðeins 20% af íbúum Katar eru Arabar. Aðrir íbúar eru innfluttir karlkyns verkamenn og því er ekki mikið um kvenfólk í Katar. Vegna þessa ótrúlega fjölda farandverkamanna lítur það stundum út fyrir að enginn íbúa Doha hafi nokkrar rætur þangað heldur séu allir staðsettir þar tímabundið.

Doha er þekktust fyrir 7 km. langa skeifulaga strandlengju sína, Al-Corniche, þar sem pálmatré bærast í golunni á milli lúxushótela og dýrra íbúða (mögulega þeirra dýrustu í öllum Mið-Austurlöndum). Katar er hræðilega dýrt land, þar kostar gisting yfir 100 dollara á nótt. Hægt væri að spara eitthvað með því að borða á ódýrum matsölustöðum og nýta „couch-surfing“.

Kíktu í eyðimörkina í Katar | KILROY

Hvað á ég að gera í Katar?

  • Souq Wagif: Hægt er að upplifa alvöru Arabíustemningu á markaðnum Souq Wagif sem er eins og völundarhús. Jafnvel þó að þessi markaður hafi nýlega verið gerður upp fyrir ferðamenn hefur andrúmsloftið viðhaldist og hér upplifir þú heillandi, erilsamt markaðslífið. Hér getur þú keypt hefðbundinn klæðnað, krydd og framandi gjafir til að taka með heim. Flestir gömlu markaðirnir hafa fengið að víkja fyrir stórum verslunarmiðstöðvum þar sem ríkar Doha konur sýna nýjustu Luis Vuitton töskurnar sínar.
  • Bir Zekreet: Borgin Bir Zekreet er einskonar einangruð vin í eyðimörkinni. Það sem Doha skortir hvað varðar hefðbundna arabíska upplifun finnur þú í þessari litlu og vinalegu borg. Þessi sandlitaða smáborg lítur út eins og eitthvað úr Andrésar andarblaði. Þar eru ekki margir ferðamenn því það þarf að fara þangað á fjórhjóladrifnum bíl og ferðamenn þurfa að taka með sér eigið tjald og koma sjálfir með mat og vatn. Dvölin þar veitir þér hins vegar einkaaðgang að stjörnum prýddum eyðimerkurhimninum. Rómantískara verður það ekki!
  • Khor Al-Adaid: Þetta er staðurinn fyrir þá sem vilja upplifa einstaka náttúru. Þetta eru sandbakkar sem eru sífellt á hreyfingu og mynda dásamlegar bylgjur í sandinum. Þessi eyðimörk nær alveg niður að vatni sem tengist Arabíuflóa 10 km. í burtu. Dýralífið er einstakt; skjaldbökur og sækýr en allt svæðið er á heimsminjaskrá UNESCO.
  • Al-Khor: Ef þú hefur áhuga á sögu og menningu og vilt upplifa hefðbundnari hlið Katar er hafnarborgin Al-Khor sem er staðsett rétt norðan við Doha áhugaverður viðkomustaður fyrir þig. Borgin var eitt sinn hjarta perluiðnaðarins í Katar en hann hrundi árið 1930 og Katar upplifði mikla fátækt í kjölfarið. Í dag er Al-Khor kósý staður til að eyða nokkrum dögum, skoða hefðbundin hús í gamla bænum og heimsækja fuglana í Al-Khor Gardens. Á kvöldin getur þú notið útsýnis og katarskrar matargerðar á einhverju af veitingahúsunum sem standa við Al Khor Riviera.

Katar er mögulega ekki land sem þú vilt fara í sérstaka ferð til, en það er tilvalið að nýta millilendingarnar með Qatar Airways. Við hjá KILROY getum breytt millilendingum í nokkurra daga stopp fyrir lítið eða ekkert auka gjald! Hafðu samband við ferðaráðgjafa til að fá frekari upplýsingar.

Hafa samband