Madagaskar

Það eru yfir 100 tegundir lemúra í Madagaskar
 

Madagaskar - ótrúlegt dýralíf

Þetta er fullkominn áfangastaður fyrir þá sem vilja upplifa einstakt dýralíf og hrífast af afskekktum stöðum. Fjölbreytileiki plantna og dýra í regnskóginum er einfaldlega stórkostlegur. Þú getur farið í göngu í þessu undralandi náttúrunnar þar sem þú sérð fossa og litríkar plöntur og dýr út um allt. Einnig er hægt að kafa eða bara slappa af á ströndinni. Það er enginn staður á jörðinni sem líkist Madagaskar!

Madagaskar er drauma tökustaður fyrir heimildamynd um náttúrulíf - skrýtin og skemmtileg dýr ásamt þykkum og fallegum, blómstrandi gróðri regnskóganna. Það geta allir tekið undir að þessi staður á sér engan sinn líkan hvað varðar náttúrulíf.

Ranomafana National Park - Madagaskar

Þetta einstaka land og samnefnd eyja eru staðsett í Indlandshafi við austurströnd Afríku. Madagaskar skiptist í sex héruð; Antananarivo, Antsiranana, Fianarantsoa, Mahajanga, Toamasina og Toliara. Fyrstnefnda héraðið er höfuðborg landsins og einnig stærsta borgin. Þar má finna alla grunnþjónustu og verslanir.

Madagaskar er fjórða stærsta eyja í heimi með um 21,1 milljón íbúa. Hér ræktar fólk hrísgrjón, kaffi og vanillu. Menning svæðisins er heillandi vegna þess að hún byggist upp á fjölbreyttum menningargrunni og er oftar líkt frekar við asískan hugsanahátt heldur en afrískan. Fólk trúir enn á forna galdra og anda en einnig er mikið af sjóræningjasögum. Malagasy fólkið sem býr í hlíðunum, hefur varðveitt hefðbundinn lífsstíl, m.a. þjóðdansa. Varla þarf að taka það fram að þetta er áhugavert fyrir ferðamenn.

Lemúrar - Madagascar

Einstakt dýralíf Madagaskar

Madagaskar er heimili 5% alls dýralífs í heiminum og flestar dýrategundir landsins er ekki hægt að finna neins staðar annars staðar á jörðinni. Þekktustu dýr landsins eru eflaust lemúrar (þökk sé teiknimyndinni vinsælu), en í Madagaskar finnast yfir 100 tegundir lemúra. Náttúra eyjarinnar er líka einstök en þar finnast um 10.000 mismunandi plöntutegundir og yfir 80% af plöntutegundum landsins lifa hvergi annars staðar í heiminum. Flestir ferðamenn fara til suðurhluta eyjarinnar þar sem eru fallegir þurrir regnskógar. Í austrinu eru hitabeltisregnskógarnir.

Hvað á ég að sjá og gera í Madagaskar?

Langar þig að snorkla eða kafa í sjónum með hvölum? Þá ættir þú að fara til Ifaty í júlí eða ágúst, en á því tímabili ferðast hvalirnir í gegnum Mósambíksundið. Þú gætir líka séð hákarla þegar þú kafar. Anakao er staður sem er þekktur fyrir flott köfunarsvæði. Þeir sem elska ströndina geta farið norður af Ifaty.

Park National de l’Isalo er þjóðgarður með frábærar gönguleiðir! Hér eru fossar og gljúfur sem eru flottari en allt sem þú getur ímyndað þér. Byrjaðu gönguna í Ranohira þorpi. Það er þess virði að ganga lengra en bara á vinsælustu gönguslóðunum til þess að njóta alls þess sem garðurinn getur boðið upp á. Farðu líka að skoða La Maison d’Isalo sem er flott náttúruminjasafn. Þar eru  margir frábærir hlutir sem tengjast náttúrulífi eyjarinnar og menningu hennar útskýrðir á skemmtilegan hátt. Park National d’Andohahela og Parc National D’Ankarafantsika eru líka frábærir viðkomustaðir fyrir þá sem elska náttúruna.

Svæðið í kringum Locaro Peninsula, er þakið indælum ströndum og regnskógum. Þetta er áfangastaðurinn fyrir þá sem vilja eyða nokkrum nóttum í tjaldi.

Fallegir fossar í Madagaskar

Að ferðast á milli staða í Madagaskar

Þú getur komist að eyjunni með báti eða flugvél. Nokkur flugfélög fljúga hingað frá Evrópu og Afríku, t.d. frá Jóhannesarborg eða Naíróbí. Bátsferðir eru frá austurströnd Máritíus, í Toamasina.

Air Madagaskar býður upp á margar flugleiðir innanlands. Svo er hægt að taka lest til margra staða vítt og breitt um landið og rútur fara frá Toliara til Ifaty. Samt sem áður, ef þú vilt finna áfangastaði sem eru jafnvel enn afskekktari og rólegri, ættir þú að gera ráð fyrir því að það gæti tekið lengri tíma þar sem vegirnir eru almennt slæmir. Þetta er ekki alltaf auðveldasti staðurinn til að skoða náttúruna, en þvílík verðlaun fyrir þá sem láta sig hafa það!

Það eru líka fallegar strandir á Madagaskar

Hvenær er best að fara til Madagaskar?

Ef þig langar að fara í gönguferð er best að fara á þurrkatímabilinu sem er frá apríl til október.

Öryggi á ferðalagi í Madagaskar

Vegna átaka milli lögreglunnar og mótmælenda úr stjórnarandstöðunni í Antananarivo, í febrúar 2009, er Madagaskar ekki öruggusti áfangastaður fyrir ferðamenn. Við mælum með að þú kannir vel aðstæður áður þú ákveður að fara til Madagaskar, annað hvort með því að ræða við ferðaráðgjafa okkar eða leita upplýsinga hjá borgaraþjónustu Utanríkisráðuneytisins. Það er líka sniðugt að fara í skipulagða ferð með local leiðsögumanni.

Baobab tré eru eitt helsta einkenni Madagaskar

Okkar ráð!

Það eru nokkrar reglur sem ferðamenn ættu að tileinka sér og virða þegar þeir ferðast til Madagaskar. Þú ættir því að lesa Lonely Planet bókina fyrir ferðina! Eyðing regnskóganna er stækkandi vandamál svo þú ættir að hugsa þig tvisvar um þegar kemur að því að kaupa eitthvað sem unnið er úr viði og það sama á við um minjagripi sem gerðir eru úr kórölum.

Dreymir þig um að ferðast til Madagaskar?
Hafðu samband

Hafa samband