Filippseyjar

Njóttu lífsins á Camotes Islands.
 

Ferðir til Filippseyja - Ótrúleg hitabeltisparadís

Filippseyjar eru óskadraumur sérhvers bakpokaferðamanns. Kristaltært vatn til að synda í, stórir og litríkir fiskar, hvítar sandstrendur og köfun. Hér eru yfir 7.000 fallegar eyjar til að kanna! Gakktu á eldfjöll, slappaðu af á fallegu ströndum og kafaðu um litríkan sjóinn. Bókaðu ferð til Filippseyja með KILROY!

Ef þú ætlar í heimsreisu um suðaustur Asíu máttu alls ekki gleyma að heimsækja Filippseyjar! Þessi einstaki eyjaklasi hefur uppá svo margt að bjóða. Landið samanstendur af 7,107 eyjum og á hverri eyju finnur þú guðdómlegar strendur! 

Ferðastu til Filippseyja með KILROY

Nokkrar staðreyndir um Filippseyjar:

  • Nágrannalönd Filippseyja eru Indónesía, Malasía, Palau og Kína.
  • Það búa um 90 milljón manna á Filippseyjum!
  • Landið var áður fyrr nýlenda, fyrst Spánverja svo Ameríkana.
  • Filippseyjar urðu sjálfstætt lýðræðisríki árið 1946.
  • Það eru tvö opinber tungumál á Filippseyjum: enska og tagalog (filippínska).

Hvað á ég að gera á Filippseyjum

Flestir ferðamenn hefja ferðina í Manila, á Luzon eyjunni, vegna flugsins en þaðan er förinni svo yfirleitt heitið til Cebu eyjar. Hún er minni og talin huggulegri en hin stóra Luzon. Frá Cebu getur þú svo auðveldlega skipulagt dagsferðir til margra hrífandi eyja.

Filippseyjar er magnaður áfangastaður fyrir bakpokaferðalanga. Þar finnur þú frábæran mat, góða gististaði, hjálpsamt fólk, græna regnskóga, virka eldgíga og já yfir 7000 eyjar!

Smá viðvörun: þú gætir misst þig, Filippseyjar er einnig paradís fyrir verslunarglaða, meira að segja ódýrara en í Tælandi!

Að kafa í Filippseyjum er ótrúleg upplifun

Að kafa á Filippseyjum

Áhugamenn um köfun dragast að Filippseyjum, sem er heimsþekkt fyrir ríkt sjávarlíf og ógrynni góðra köfunarsvæða. Hér opnast bókstaflega gnægð lífs og litar um leið og þú stingur höfðinu undir vatn. Ekki missa af því að skoða hinn sökkvandi kirkjugarð eða "the sunken semetery", sem er alvöru kirkjugarður sem er sokkinn undir sjávarmál. Það eina sem sést af garðinum á yfirborðinu er einn stór kross. Vegna þessa er staðurinn einstakur og afar vinsæll til köfunar.

Það borgar sig að kanna markaðinn svolítið áður en fjárfest er í köfun því söluaðilar eru jafn margir og köfunarsvæðin. Hér getur þú skoðað köfunarnámskeið og köfun á Filippseyjum

Gönguferðir á Filippseyjum

Ef þú hefur áhuga á göngu ættirðu að ferðast til eyjarinnar Camiguin sem er nálægt Cebu og Bohol. Þar finnur þú skemmtilega gönguleiðir, eldfjöll og heitar lindir. Reimaðu á þig gönguskóna og upplifðu náttúruna í nýju ljósi!

Filippseyjar - Chocolate Hills

Bohol og Chocolate Hills

Á ferð þinni á milli Cebu og Bohol er náttúruundrið Chocolate Hills, um 1268 hólar sem eru um 30 - 50 m á hæð . Athugaðu að það er ekki hægt að ganga um sjálft svæðið en þú færð frábært útsýni.

Á Bohol geturðu séð hið sjaldgæfa Tarciers dýr sem líkist hinu fræga Star Wars dýri Yoda! Tarciers er skemmtilegt lítið dýr sem situr í trjánum og borðar ávexti. Við mælum með skemmtisiglingu á ánni Lobok þar sem þú getur eytt nokkrum dögum og notið stórkostlegrar náttúru.

Hvenær er best að ferðast til Filippseyja?

Besti ferðatíminn er frá desember til apríl þegar það eru engir fellibylir og þurrara loftslag en samt ekki of heitt. Veðrið er almennt frekar rakt og heitt. Varastu að vera á ferðinni yfir páska og jól nema þú viljir vera umvafin/n ferðamönnum. 

Nýju ári er fagnað með miklum flugeldum, eins og á Íslandi, en Filippseyjar hafa það fram yfir Ísland að hér er hiti! Um miðjan janúar er gaman að fylgjast með hinni skrautlegu og litríku Sinulog trúarhátíð sem á sér stað árlega í Cebu. Hátíðarhöldin standa yfir í 9 daga og það er klárlega vel þess virði að koma og taka þátt.

Boracay er sannkölluð paradís

Öryggisráðstafanir

Fellibylir eru margir á ári á Filippseyjum. Auk þess liggja eyjarnar á hinum svokallaða Pacific Ring of Fire, svæði við Kyrrahaf í laginu eins og skeifa, þar sem eldvirkni er mikil og stöðugar jarðhræringar eiga sér stað. Mundu því að fylgjast vel með fréttum og veðurspám.

Dreymir þig um að heimsækja Filippseyjar?
Hafðu samband

Hafa samband