Fiji

Einstakt að snorkla á Fiji
 

Fiji – paradís í kyrrahafinu

Langar þig að upplifa einstaka menningu, afslappað andrúmsloft og fjölbreytta náttúru? Þá er Fiji áfangastaðurinn þinn. Lærðu að kafa, farðu í ævintýralega siglingu og njóttu sólarinnar á hvítri sandströnd. Bókaðu ferð þína til Fiji með KILROY!

Yndislegt að slappa af á Fiji

Fiji á eftir bjóða þig velkominn/velkomna á allt annan hátt en þú hefur áður upplifað! Fiji samanstendur af 333 eyjum og er Viti Levu eyjan sú stærsta. Lokaðu augunum og ímyndaðu þér Fiji. Ef þú sérð fyrir þér hvítar sandstrendur, pálmatré, kristaltæran sjó, fallega fossa og litríka kokteila þá hefur þú rétt fyrir þér. Já í þessari hitabeltisparadís finnur þú fullkomnar aðstæður fyrir friðsælt frí á ströndinni ásamt fjölda af spennandi upplifunum. 

Þar sem Fiji samanstendur á yfir 300 eyjum er eyja hopp frábær leið til að kanna landið - fjárfestu í hop on / hop off miða!

Söngur og dans er mikill partur af menningu Fídjibúa - KILROY

Hvað á ég að gera á Fiji?

Landslagið á Fiji er magnað. Þar finnur þú fullt af fallegum fossum - hefur þig alltaf dreymt um að endurgera sjampó auglýsingarnar - þar sem þú sveiflar hárinu í fullkomnum fossi umkringd/ur grænum gróðri og litríkum blómum? Þú færð nokkur tækifæri til þess á Fiji. Ekki gleyma því að heimsækja fossinn Tavoro en þessi 24 metra hái foss er staðsettur í Bouma National Heritage Park - einnig kallað „Fiji’s Garden of Eden‟. 

Söngur og dans er mikilvægur hluti af menningu Fídjíbúa. Ef þú verður svo heppin/n að sjá Make athöfn verður þú ekki fyrir vonbrigðum. Þar segja söngvararnir og dansararnir alltaf ákveðna sögu og þó þú náir kannski ekki að fylgja alveg söguþræðinum þá er athöfnin sjálf svo lífleg og skrautleg að þér á ekki eftir að leiðast.

Mangað sólsetur á Fiji - KILROY

Er kannski algjör klisja en þú verður að prófa það einu sinni. Komdu þér vel fyrir undir pálmatrénu með kókoshnetuna og fylgstu með sólsetrinu. Minningarnar eiga alltaf eftir að hita þér á köldustu vetrarmánuðunum.

Að kafa og/eða snorkla

Þú verður að prófa að snorkla og/eða kafa þegar þú heimsækir Fiji. Sjórinn er tær, skyggnið er frábært og lífið undir yfirborði sjávar vægast sagt magnað. Forvitnir fiskar og litríkir kóralar mynda ótrúlega litarfegurð sem þú átt ekki eftir að trúa að sé til fyrr en þú sérð hana með eigin augum. Hjá okkur finnur þú bæði köfunarnámskeið fyrir byrjendur og reynda kafara, auk ýmissa spennandi köfunarferða (fundive). Hvað sem þú velur, þá áttu eftir að upplifa ógleymanlegt neðansjávar ævintýri! Svo er alltaf fullkomið að enda daginn á nuddi á ströndinni! 

Draumur allra kafara - Fiji

Kava drykkurinn - þorir þú?

Þú átt örugglega eftir að rekast á drykkinn Kava á ferð þinni um Fiji. Hann er mikilvægur partur af félagslífi Fídjibúa! Drykkurinn er búinn til úr Kava rótinni og vatni - rótin er mulin niður mjög fínt og síðan leyst upp í vatni. Hann lýtur svolítið út eins og drullupollur og tungan verður svolítið dofin. Við skorum á þig að smakka! Sestu niður, njóttu athafnarinnar og spjallaðu við heimamenn.

Þú ert ekki maður með mönnum ef þú hefur ekki prufað Kava

Hvenær er best að ferðast til Fiji?

Almennt þá er besti tíminn til að heimsækja Fiji er frá apríl til október. Hins vegar skiptir einnig nokkru máli hvað þig langar að upplifa. Ef þig langar að kafa, surfa eða fara í gönguferð þá er best að heimsækja Fiji yfir vetramánuðina (júní til september) en þá eru öldurnar stærri, skyggnið betra og loftslagið þurrara og kaldara.

Hins vegar ef þig langar að snorkla þá eru sumarmánuðirnir (desember til mars) bestir en þá er sjórinn heitur og öldurnar litlar.

Langar þig að heimsækja Fiji?
Hafðu samband!

Hafa samband