Panama

Hús á eyju í Panama
 

Panama - Paradís fyrir strandafríið

Panama er frábær áfangastaður, bæði fyrir ævintýramenn og ferðamenn sem elska ströndina. Þetta hitabeltisland býður upp á afskekktar eyjar, ósnortnar strendur, þéttvaxna skógarnáttúru og dásamleg kóralrif fyrir neðansjávarævintýri. Dýfðu þér í afslappaða, karabíska menningu og bragðaðu á því góða lífi sem þar er að finna.

Panama er staðsett suður af Mið-Ameríku og er þekktast fyrir hinn fræga Panamaskurð. Landið er þó – ótrúlegt en satt – enn frekar lítið sótt af ferðamönnum. Panama er frábær viðkomustaður í ferð þinni um Mið-Ameríku því þar er mikið af óspilltum ströndum, spennandi regnskógum og fjöllum sem bíða eftir að verða uppgötvuð og samt sem áður, ekki mikið af gringos!

Stundum er talað um Panama sem hliðið á milli Norður- og Suður-Ameríku. Nágrannalönd þess eru Kólombía og Kosta Ríka. Þar búa um 3,3 milljónir manna.

Panama City

Panama City er höfuðborg Panama og þar er hjarta viðskiptalífsins. Efnahagur Panama eykst ört en verðlagið hefur haldist hagkvæmt fyrir ferðamenn sem vilja ferðast ódýrt.

Panama er heimsborg þar sem flottir klúbbar og veitingastaðir eru á hverju strái, við mælum með því að þú prófir tapas, smárétti. Aðal djammstaðurinn er á calle Uruguay.

Flestir ferðamenn skoða sögulega hluta borgarinnar, hinn forna Casco Viejo sem staðsettur er við sjávarsíðuna. Ef þú gengur í um 15 mínútur frá miðju borgarinnar getur þú haldið í skemmtilega göngu um regnskóginn í Parque Natural Metropolitano. Það er óþarfi að taka það fram að þetta er eitthvað sem er þess virði að skoða.

Bocas del Toro

Fornleifastaðurinn Bocas del Toro er vinsælasta aðdráttaraflið fyrir ferðamenn í Panama en hann er staðsettur nálægt landamærum Kosta Ríka. Þetta eru sex grænar eyjar og fallegur sjávargarður: Parque Nacional Marino Isla Bastimentos. Ferðamennska er mikill iðnaður í löndunum í kring en í Panama hefur ekki orðið sama sprenging með risahótel og auglýsingavæðingu. Andrúmslofið er meira afslappað og á þessum sex eyjum eru frumskógar og fallegar strendur.

Isla Colón er þróaðasta eyjan. Ef þú ert að leita að rólegri stað ættir þú frekar að fara til Isla Caranero sem er þekkt fyrir að þar var gert við skip Kólumbusar.

Strandarlíf á Panama

Að kynnast menningu Panama

Þú getur farið að heimsækja sjálfstæðasta frumbyggjahóp Mið-Ameríku, Kuna, en hann býr í Comarca de Kuna Yala á ströndinni við Karíbahaf. Kuna fólkið hefur haldið í hefðbundinn lífsstíl, þar með talið handverk, sem gerir þessar eyjar virkilega áhugaverðar. Þú færð góða innsýn í samfélag fólksins þegar þú heimsækir það og mögulega flýgur í gegnum huga þinn að Vesturlandabúar hafi margt að læra um það að lifa í samfélagi.

Þeir sem vilja strandalíf munu elska Panama. Margar eyjanna bjóða upp á strendur eins og birtast á póstkortum og eru fullkomnar til þess að slaka á og njóta lífsins.

Hvað með gönguferðir, rafting, surf og köfun...?

Landið er frábær áfangastaður fyrir þessa virku ferðamenn. Eina eldfjall landsins er staðsett í Parque Nacional Volcán Barú. Farðu í göngu þar í frábæru landslagi með ótrúlega fallegt útsýni. Það er gott að tjalda í Cerro Punta, Boquete og El Valle. Mundu að það getur orðið mjög kalt á nóttunni þar sem hæðin er meiri og taktu með þér hlýjan fatnað.

Þeir sem eru að leita að adrenalínupplifun ættu að fara í rafting í Chiriquí héraði. Árnar eru langar og umhverfið eru djúpir regnskógar og fossar.

Öldurnar eru virkilega góðar fyrir surf á mörgum stöðum í Panama, þú ættir að byrja í Bocas. Parque Nacional de Chiriquí eru 25 eyjar og 19 kóralrif fyrir köfun og snorkl en það er einnig í boði að heimsækja vel varðveitta eyju, Boca Brava, þar sem sjávarskjaldbökur verpa eggjum og apar hlaupa um á skógarstígum.

Að komast á milli staða í Panama

Til að komast til Bocas del Toro getur þú tekið leigubíl frá Quabito á landamærum Kosta Ríka að rykugum bananabæ, Changuinola, en þaðan verður þú að fara með bát til Bocas. Þeir fara daglega.

Í Panama City strætókerfi „diablos rojos“. Frá borginni getur þú tekið lest í gegnum fallegt landslagið til Colón (fer daglega). Millilandaflug fara frá Tocumen International Airport en innanlandsflug fara frá Albrook Airport.

Hvenær á að fara til Panama

Kyrrahafs- og Karíbahafshliðar Panama hafa mismunandi árstíðir. Það er best að heimsækja Kyrrahafshliðina á milli apríl og dessember þegar þurrkatímabilið er. Á Karíbahafshliðinni er rigning allan ársins hring en regnskúrarnir eru stuttir svo þú ættir ekki að láta þetta koma í veg fyrir að þú skoðir austurhlið Panama. Þú mátt búast við minni rigningu í febrúar, mars, september og október. Ef þú ætlar í göngu í Panama ættir þú að fara á þurrkatímabilinu. Bestu skilyrðin fyrir rafting eru frá maí til desember og bestu skilyrðin fyrir köfun eru frá desember til apríl því þá er vatnið tærast.

 

Hafa samband