Ekvador

Otavalo markaðurinn
 

Ferðir til Ekvador - Ævintýri við miðbaug

Fjölbreytileiki og smæð fara ekki oft saman, en þess vegna er Ekvador einstakt! Ekvador er eitt af minnstu löndum Suður-Ameríku en hefur auk þess að geyma mörg merkilegustu náttúruundur heimsálfunnar. Í þessu heillandi landi er aðeins eins dags ferðalag frá líflegum regnskóginum og dramatískum Andesfjöllunum til strandlengju Kyrrahafsins og hinna einstöku Galapagos eyja. En af hverju að flýta sér?

Quilotoa - Ekvador

Ekvador er himneskt

Þó að Ekvador sé eitt af minnstu löndum Suður-Ameríku er það langt frá því að vera lítið! Ekvador liggur í mikilli hæð og þar er að finna marga háa snævi þakta tinda sem mynda fallega anstæðu við heiðbláan himininn, t.d. eldfjöllin Cotopaxi og Chimborazo sem eru ca 6.000 m. Himnesk sjón!

Ævintýri á háu stigi

Mikilli hæð fylgir þunnt loft. Þú tekur strax eftir því þegar þú kemur til Quito, höfuðborgar Ekvador. Mjög furðurleg tilfinning – þér finnst þú bara ekki geta gengið á sama hraða og þú ert vön/vanur. En þegar hæðin og þunna loftið venst áttu eftir að vilja komast enn hærra til þess að kanna hið fallega hálendi Ekvador!

Ef þú ætlar ekki að ganga á þessi tvö fyrrnefndu risa eldfjöll, sem við mælum bara með fyrir alvöru fjallageitur, þá skaltu íhuga að skoða Tungurahua; virkt eldfjall í 5.000 metra hæð með risastjórum og nokkuð skelfilegum gíg. Í Ekvador getur þú alltaf leitað hærra í leit að stærri ævintýrum!

Það er mikið um surf í Ekvador

Smá slökun eða brjáluð ævintýri? 

Við rætur Tungurahua liggur Banos, lítið þorp sem er tilvalinn staður til að slaka á í hengirúmi umkringd(ur) grænum skógi, bananatrjám og litríkum blómum. Ef þú færð leið á því að slappa af (já, það getur gerst...) mælum við með að þú skellir þér í spennandi hjólaferð um nærliggjandi fjöll - það kemur adrenalíninu aftur á fullt. Aðeins austar finnur þú river rafting paradísina Tena og enn lengra er Amazon frumskógurinn í öllu sínu veldi og Parque Nacional Yasuni.

Markaðir, lamadýr og fallegar borgir

Markaðir í Ekvador er stórir, litríkir og mjög vinsælir. Við mælum með markaðinum í Otavalo (norður Quito), en hann er einn sá þekktasti. Prófaðu einnig að fara á Saquisili markaðinn (suður Quito), en hann er ekki jafn túristalegur og er andrúmsloftið er allt öðruvísi. Hingað koma heimamennirnir til þess að selja hamstra og fleiri dýr. Ekki verða hissa ef að þú ert eini ferðamaðurinn á svæðinu!

Við mælum einnig með að heimsækja Cuenca, skemmtileg borg í nýlendustíl þar sem gaman er að skoða fallegar byggingarnar. Ef þú vilt frekar njóta lífsins við fallega strönd í hengirúmi er nóg af slíkum bæjum í Ekvador, t.d. Vilcabamba í suðri.

Otavalo markaðurinn í Quito

Dýralíf Ekvador - Galapagos

Alls staðar í Ekvador er að finna lamadýr í öllum stærðum og litum. Að fylgjast með þessum fyndnu dýrum er mjög góð skemmtun, í smá stund.

Svo er ekki hægt að fjalla um Ekvador án þess að minnast á Galapagos eyjar, náttúruparadís með villt dýralíf í algjörum sérflokki! Galapagos eru þekktastar fyrir hinar einstöku skjaldbökur, en þar er að finna fjölbreytt og litríkt dýralíf af öllum stærðum og gerðum.

Upplifðu einstakt dýralíf á Galapagos eyjum

Langar þig að heimsækja Ekvador?
Hafðu samband við ferðasérfræðinga okkar!

Hafa samband