Havana

Bilar á götum Havana er stórkostlegir
 

Havana – La Habana!

Á meðan restin af heiminum sogaðist inn í 21. öldina varð Kúba eftir á sjötta áratugnum. Í Havana er þessi heillandi tímaskekkja sérstaklega augljós. Gamlar byggingar sem eitt sinn voru stórglæsilegar búa enn yfir miklum sjarma, gömlu Amerísku drekarnir keyra um göturnar og allt umhverfið öskrar RETRO!

Í augum vestrænna ferðamanna lítur borgin kannski út fyrir að vera gömul og slitin en flestir sem koma hingað eru í leit að þessari óvenjulegu tímaskekkju áður en hún sogast inn í 21. öldina.

Havana - Kúba

Þegar þú kemur til Havana, höfuðborg Kúbu, stígur þú inn í veröld sem þú hélst að væri horfin. Fáðu þér þjóðardrykkinn, Mojito, eins og hann á að vera, í löngu glasi með nóg af rommi og myntulaufum – og ef heppnin er með þér kasta þeir kannski ísmola og hrásykri ofan í. Gakktu um götur og heilsaðu konum og körlum sem reykja vindla úti á svölum. Kúbverjar eru vingjarnlegt fólk sem elskar lífið og ef þú kannt eina eða tvær setningar á spænsku bjóða þeir þér kannski með í salsapartí! Flestir tala þó fína ensku sem gerir ferðamönnum auðvelt fyrir að komast í kynni við heimamenn.

Samgöngur í Havana

Það er góð hugmynd að bóka bíl frá flugvellinum áður en þú leggur af stað þar sem það er varla til neitt sem heitir almenningssamgöngur á Kúbu. Leigubílar koma til greina en passaðu þig á bílstjórum sem reyna að svindla á þér. Ferðin inn í borgina tekur um hálftíma og ætti að kosta um 15-25 CUC. Þú getur líka keypt "arrival" pakka hjá KILROY, en þá ertu sótt/ur á flugvöllinn, ert með gistingu í 2-3 nætur, færð vegabréfsáritun inn í Kúbu og göngu- og hjólaferð um borgina með leiðsögn. Talaðu við ferðaráðgjafa til þess að fá frekari upplýsingar um svona pakka.

Gamlir bílar og litrík hús - einkenni Havana

Leigubílar eru almennt góð og ódýr leið til að komast leiðar sinnar en taktu eftir muninum á ferðamannabílum og venjulegum leigubílum. Ferðamannabílarnir eru áreiðanlegir, kosta um 1 CUC á kílómetra og það er hægt að hóa í þá á götunni eða finna þá fyrir utan hótel. Bicitaxi (reiðhjólataxar) eru góður valkostur fyrir þá sem eru ekki að flýta sér. Kosta u.þ.b. jafn mikið og venjulegir leigubílar en þú færð frískt loft og betra útsýni á leiðinni. Það er ekki erfitt að finna þá því bíl/hjólstjórar eru stöðugt að bjóða ferðamönnum þjónustu sína.

Í algjörri neyð er hægt að nota strætisvagna, en þú ættir að forðast þá nema þú vitir hvernig þeir virka. Það eru engar tímatöflur og vagnarnir eru alltaf troðfullir. Ferðamenn ættu alltaf að passa að vera aftast í röðinni vegna vasaþjófa. Strætisvagnarnir ganga allan sólarhringinn en þeir eru færri á næturnar.

Gisting í Havana

Þú getur fundið bæði lúxushótel og ódýr farfuglaheimili í Havana, en við mælum með að þú reynir að finna þér gistingu á casas sem þýðir að þú leigir herbergi af fjölskyldu á staðnum. Það er besta leiðin til að kynnast menningunni og er líka gott fyrir veskið.

Það er auðvelt að finna gistiheimili og hótel með því að spyrja til vegar á staðnum. En passaðu að vera búin(n) að bóka fyrstu næturnar fyrirfram. Þá lendir þú ekki í að það verði svindlað á þér þegar þú kemur.

Tónlistarmenn á götum Havana

Næturlíf í Havana

Þó að vel útilátnar sælkeramáltíðir séu sjaldgæfar á Kúbu, er alveg bókað að þú munt skemmta þér vel á djamminu. Það eru barir og klúbbar úti um allt, en það er alveg jafn gaman að dansa salsa með heimamönnum úti á götunum! Það eru engar reglur um opnunartíma svo skemmtistaðir loka yfirleitt þegar síðasti gesturinn fer. Það er auðvitað alger skylda áður en þú ferð frá Havana að eyða kvöldi í einum af frægu djassklúbbunum og upplifa ósvikið 50's andrúmsloftið.

Verðlag á Kúbu

Hlutir eru bæði dýrir og ódýrir á Kúbu eftir því hvað þú kaupir, en sem bakpokaferðalangur ættu 20-25$ á dag að vera nóg til að borga mat og gistingu.

Central Square - Havana

Ferðaráð KILROY fyrir Havana

Hafðu í huga að hraðbankar eru sjaldgæfir, svo þú skalt passa að hafa alltaf nóg reiðufé. Sumir staðir taka við kreditkortum (en ekki Bandarískum kortum) eða ferðatékkum.

Það er oft erfitt að finna hreinlætisvörur (t.d. túrtappa, tannkrem og sjampó), svo þú ættir að taka með nóg til að endast ferðalagið.

 

Langar þig að upplifa Havana?
Fáðu góð ráð hjá ferðaráðgjöfum KILROY!

Contact