Belize

Ströndin á Belize er himnesk
 

Belize – ævintýraparadís

Belize er fullkomið fyrir ferðamenn með ævintýraþrá. Landið hefur fallega náttúru; regnskóga, fossa og dýralíf. Þar getur þú skoðað hof sem eru partur af hinni dularfullu Maya menningu.

Belize er fallegt, lítið og iðandi af lífi

Belize er lítið land á strandlínunni við Karíbahafið, milli Mexíkó og Gvatemala. Þar er heillandi blanda regnskóga með litríku dýralífi, stórbrotinna fjalla, þar eru forn Maya hof og næstum óþrjótandi tækifæri fyrir alla þá sem hafa gaman af útiveru. Almennt séð er ferðamennska þróaðri í Belize heldur en t.d. í Hondúras og þjónusta er góð. Verðlagið er örlítið hærra en í nágrannalöndunum.

Íbúar Belize hafa gert um 40% landsins að náttúru- og sjávarlífsverndunarsvæðum. Í Belize finnur þú líka mörg fornleifasvæði og dýraverndunarsvæði.

Þú getur skoðað magnaða hella með kalkmyndunum og fornar leifar hinnar dularfullu Maya menningu. Það eru ekki ýkjur að segja að það sé mikið af áhugaverðum fornminjum í boði.

Hvað skal gera í Belize

Belize býður upp á fjöldann allan að gera fyrir ævintýraþyrsta ferðamenn. Auk frábærra stranda er hægt að kafa, snorkla, veiða, fara í gönguferðir, fara á kajak og skoða náttúruna. Þú getur byrjað á því að synda í einhverjum af fjölmörgum fossum landsins.

Great blue hole í Belize - kafaraparadís

Belize er paradís fyrir kafara

Kóralrif Belize er hið lengsta á vesturhveli jarðar og er á heimsminjaskrá UNESCO. Þú getur ímyndað þér hvað er frábært að kafa þar! Sjávarlífið er dásamlegt en þú getur séð gaddaskötur og fiska í öllum regnbogans litum. Caye Caulker er góður staður til að hefja köfunina. Bláa holan, The Blue Hole, er frægasti köfunarstaður Mið-Ameríku. Þetta er ótrúlega magnaður staður, en það er frekar kostnaðarsamt að kafa þar og er eingöngu fyrir reynda kafara þar sem kafað er á miklu dýpi.

Fyrir þá sem hafa áhuga á fuglaskoðun má finna hundruð fuglategunda í Belize.

Hefur þú fyrirspurn?
Hafa samband

Bókaðu ferðina þína til Belize með KILROY.

 Hér fyrir neðan getur þú fundið flug, hótel eða ævintýri. Einnig mælum við með að hafa samband við ferðaráðgjafa til að fá frekari upplýsingar um Belize og önnur nágrannalönd. 

Contact