Nairóbí

Traffík og daglegt götulíf í Nairóbí.
 

Nairóbí - skýjakljúfar og dýralíf

Naíróbí er afskaplega fjölbreytt borg, sem ekki má gleyma að skoða þegar ferðast er um Afríku. Næturklúbbar eru í vestrænum stíl, barir og veitingastaðir í miðbænum eru umkringdir skýjakljúfum og rétt utan við borgina færð þú tækifæri til að kanna fjölbreytt dýralíf.

Þar sem Nairóbí er beinlínis á miðbaugi jarðar getur verið að þú búist við að hér sé bæði heitt og rakt loftslag. Hins vegar, þar sem borgin er staðsett í 1500 metrum yfir sjávarmáli þá fer hitastigið aldrei yfir 25 gráður. Þetta gerir borgina að frábærum dvalarstað en athugaðu að nætur geta verið kaldar.

Bar í Naíróbí - KILROY

Dýralífið rétt utan við borgarmörkin

Naíróbí þjóðgarðurinn byrjar þar sem borgin endar og færð þú þar tækifæri til að sjá nokkur af vinsælustu dýrum jarðar - að undanskildum fílnum. Einnig er það algerlega þess virði að heimsækja bæði friðlýsta skógarsvæðið Ngong Road Forest Sanctuary og Rhino and Elephant Orphanage sem er hæli fyrir munaðarlausa nashyrninga og fílsunga.

Saga og menning Keníu

Hefurðu áhuga á að heyra um nýlendutímann? Þá skaltu fara í dagsferð og heimsækja til dæmis Norfolk hótelið, Karen Blixen safnið (manstu eftir kvikmyndinni Out of Africa?) og þjóðminjasafn Keníu. Heimsókn til "Bomas of Kenya" mun einnig gleðja þig. Svæðið er ferðamannasvæði sem var stofnað árið 1971 í þeim tilgangi að varðveita og efla fjölbreytt menningarverðmæti ólíkra ættbálka í Keníu. Hér færð þú einnig tækifæri til að fylgjast með með þjóðardönsum og öðrum siðum og venjum áttbálkanna. 

Handverk í Naíróbí - KILROY

Heimsæktu úthverfin!

Ef þig langar til að komast út fyrir iðandi mannlífið í miðborginni þá getur þú tekið "matatu" og ferðast aðeins út fyrir annasömustu svæði Nairobi. Heimamenn eru í eðli sínu afar rólegir og því er tilvalið að fara inná nálægan veitingastað, taka því rólega og panta "Nyama Choma". Hálftíma seinna ertu komin/n á fullt að dýfa meyru grilluðu kjöti í salt með Tusker bjór í hendi í djúpum samræðum við heimamenn. 

Hafðu þó í huga að Nairóbí er þekkt fyrir háa glæpatíðni. Því er mikilvægt að vera á varðbergi allan tímann, sérstaklega ef þú ferð út að kvöldlagi. 

Kannaðu Keníu

Naíróbí er kjörinn byrjunarreitur fyrir bakpokaferðalag um Keníu. Upplifðu heim dýranna í ævintýralegu safaríi, gakktu upp á Mount Kenya, láttu gott af þér leiða í frábæru sjálfboðaverkefni eða farðu í ævintýralega ferð með öðrum ævintýraþyrstum ferðalöngum alls staðar að úr heiminum.

Langar þig að ferðast til Kenía?
Hafðu samband

Hafa samband