Kilimanjaro

Kilimanjaro - hæsta fjall Afríku
 

Kilimanjaro – Ganga á hæsta tind Afríku

Elskar þú áskoranir? Ef svo þá getur þú ekki sleppt því að ganga upp á Kilimanjaro. Reimaðu á þig gönguskóna og skoraðu á líkama þinn, styrk, þol og heimsýn. Það er ólýsanleg tilfinning að komast á toppinn!

Á Swahili er þetta óvirka eldfjall kallað „Hið glitrandi fjall“ og í 5895 metra hæð átt þú eftir að komast að því að tindurinn er þakinn snjó. Ganga þín á fjallið getur varað allt frá fimm dögum upp í tvær vikur. Það er undir þér komið að velja leið, setja tímaáætlun og erfiðleikastig. Hafðu í huga að þetta er ekki auðvelt. Það krefst talsverðs undirbúnings að halda í eina ævintýralegustu göngu lífs þíns!

Á toppnum á Kilimanjaro - KILROY

Kilimanjaro þjóðgarðurinn

Til að komast að tindinum byrjar þú gönguna í gegnum kjarrlendi og regnskóga, þar sem þú átt líklega eftir að rekast á margt sem þú hefur ekki séð áður. Í um 2000 metra hæð, þegar tréin eru að enda, kemur þú inn í Kilimanjaro þjóðgarðinn og tekur þar við landslag sem þú hefðir líklega ekki trúað að væri til. Taktu góðan tíma til að upplifa og njóta útsýnisins. Það er ekki að ástæðulausu að þessi þjóðgarður er á heimsminjaskrá UNESCO.

Að velja réttu ferðina

Þú getur valið á milli mismunandi gönguleiða. Sú frægasta er Marangu leiðin en þar sem hún er sú auðveldasta er hún einnig oft kölluð „Coca Cola leiðin“ og henni er hægt að ljúka á fimm dögum. Annar góður kostur sem færri velja, er Machame leiðin en hún er aðeins erfiðari og af einhverri ástæðu er þessi leið einnig þekkt sem „Viskí leiðin“. Hún er einum degi lengur en treystu okkur: þú átt ekki sjá eftir því að bæta degi eða tveimur við ferðatímann til að venjast hæðinni. Ef þú ert í góðu formi gætir þú haft Lemosho leiðina í huga!

Tjaldsvæðið á leiðinni upp á Kilimanjaro - KILROY

Hæðarveiki

Þegar þú ert að undirbúa ferðina þína, hafðu þá í huga hættuna á hæðarveiki. Vegna súrefnisskorts í mikilli hæð geta göngumenn fengið mikinn höfuðverk, svima og uppköst. Besta leiðin (og í mörgum tilfellum sú eina) er að halda niður aftur. Þú getur ekki stjórnað því hvort þú fáir hæðarveiki og það getur enginn sagt til um hvort þú munir þjást af henni. Hinsvegar eru nokkrar leiðir til að minnka hættuna á því að veikjast. Sú mikilvægasta er að gæta þess að hafa nógan tíma til þess að venjast hæðinni. Ráðið okkar til þín er því að undirbúa þig vel!

Okkar ráð!

  • Kannaðu hvaða búnað þú þarft
  • Vertu í góðum gönguskóm sem þú hefur notað oft áður.
  • Taktu frekar lengri ferðina - þá hefur þú meiri tíma til að venjast hæðarmismuninum.

Meira!

Frá tindinum átt þú líklega eftir að fá magnað útsýni yfir sléttur Keníu og Tansaníu. Hvers vegna að bíða? Kynntu þér bestu staðina til að heimsækja á þessu svæði. Verðlaunaðu sjálfan þig með því að fara í frí á ströndina eða í magnaða safaríferð!

Langar þig að ganga upp á Kilimanjaro?
Hafðu samband

Hafa samband