Borneo

Sólarlagið á Borneo
 

Borneo - Indónesíski hlutinn Kalimantan!

Langar þig að fara í ferðalag inn í regnskóga, göngu í fallegum þjóðgörðum og upplifa einstaka menningu. Í dag eru ekki margir ferðamenn í indónesíska hluta Borneo, Kalimantan - drífðu þig áður en það breytist. Upplifðu Kalimantan á undan hinum!

Langar þig að heimsækja stað þar sem ekki eru margir aðrir ferðamenn? Þá ættir þú að heimsækja Kalimantan - indónesíski hluti Borneo. Kalimantan er um það bil 3/4 af Borneo og mun minna heimsóttur af ferðamönnum en malasíski hlutinn sem gerir það einnig að það er enn nokkuð ódýrara fyrir þig að ferðast þar en í þeim malasíska. 

Í Kalimantan átt þú eftir að fá tækifæri til að upplifa einstaka menningu og gestrisni heimamanna. Heimsæktu litlu þorpin! Mundu samt að þar sem heimamenn tala oft ekki mjög góða ensku gæti tekið þig aðeins lengri tíma að ferðast á milli staða - en á móti áttu eftir að eignast ógleymanlegar minningar.

Að ferðast til Kalimantan - KILROY

Hvað á ég að gera á Kalimantan?

Kalimantan svæðið er skipt niður í fjögur héruð: mið, vestur suður og austur Kalimantan.

Í mið Kalimantan eru fáir ferðamenn. Þar finnur þú hina einstöku Dayak menningu og þó þeir séu ekki enn í klæðnaðinum þá er tónlistin og dansinn enn lifandi. Það er ótrúleg upplifun að ferðast um þetta svæði þegar það er hátíð í gangi - nýttu það ef þú getur! Þetta svæði er einnig þekkt fyrir mikla regnskóga sem eru sagðir vera„lungu heimsins“.

Mjög oft er vestur Kalimantan aðeins notað sem stopp á milli ferðalaga en í raun hefur það svæði upp á mikið að bjóða. Þar finnur þú stóra og fallega þjóðgarða og sögulegar Malay hallir eins og Sintang og Ketapang. 

Suður Kalimantan er minnsta héraðið og er höfuðborg þess Banjarmasin. Í þeirri skemmtilegu borg finnur þú frábæran fljótandi markað - klárlega sá besti í Asíu. Héraðið er einnig þekkt fyrir Malay menningu og magnað handverk.

Vinsælast er að stoppa í austur Kalimantan. Þar finnur þú einstakar eyjar og ótrúlega þjóðgarða þar sem þú getur farið í göngu og skoðað dýralífið. Lengsta áin í Kalimantan er í þessum hluta. Mundu eftir Dayak hátíðinni ef þú ert í þessu héraði 31. maí og 1.júní.

Á ferðalaginu þínu um Kalimantan verður þú að fara í ferð á Mahakam ánni - reyndu að finna ferskvatns höfrunga! Það er siglt á milli Long Bagun og Tiong Ohan daglega. Stór hluti af strandlengju Kalamantan er þakinn þara en í norðvestur hluta Kalimantan, Pasir Panjang, nálægt Singawang finnur þú fræbærar strendur - einnig eru frábærar strendur á mörgum nálægum eyjum. 

Sjáðu órangúta á Borneo - KILROY

Þjóðgarðar á Borneo - Kalimantan

Þú finnur einstaka þjóðgarða á Kalimantan svæðinu. Auðveldast er fyrir þig að ferðast til þjóðgarða sem liggja við ströndina eins og Gunung Palung, Tanjung Puting og Kutai. Hins vegar átt þú eftir að sjá þar mikla afleiðingar af ólöglegu skógarhöggi. Þjóðgarðarnir sem liggja inn í landi eru mun erfiðara að nálgast en þar getur þú upplifað magnað dýralíf. Athugaðu að í öllum þjóðgörðunum er næstum engin aðstaða fyrir ferðamenn svo þú verður að vera tilbúin/n að horfa á ævintýralegu hliðina á ferðalagi þínu. 

Afþreying

Þú getur farið í gönguferðir í þjóðgörðunum Kayan Mentarang, Betung Kerihun og Bukit Baka Bukit Raya. Mundu að óska eftir leiðsögumanni á skrifstofu þjóðgarðsins.

Gönguleiðir eru á milli þorpanna í austur hluta Kalimantan Krayan svæðinu í kringum Long Bawan og í suður á Loksado svæðinu í Merutus fjöllunum. Það er einstök upplifun að ganga um Kayan Mentrang og átt þú mjög ólíklega eftir að rekast á aðra ferðamenn! Mundu eftir að athuga ástandið á stígunum áður en þú leggur af stað og vertu viðbúin/n að fá drullu á skónna - vertu í góðum skóm!

Þú finnur marga einstaka köfunarstaði í austur, vestur og suður Kalimantan - sérstaklega við eyjarnar. Upplifðu einstaka köfun þar sem þú fylgist með litríkum kóralrifum, stórum Manta Rays og sæskjaldbökum. Passaðu þig þó á marglyttunum! 

Að ferðast um Borneo - KILROY

Hvernig er best ferðast að ferðast um Kalimantan?

Vegirnir í Kalimantan eru ekki þeir bestu svo að ferðast á milli staða getur tekið langan tíma. Í stærri borgum getur þú tekið hjóla-taxi eða venjulegan leigubíl. Einnig getur þú ferðast á milli sumra staða með ferju.

Auðvelt er að ferðast til Kalimantan með ferju frá Malasíu og Indónesíu. Ef þú ert í malasíska hluta Borneo getur þú einnig farið yfir landamærin landleiðis á milli Sarawak og vestur Kalimantan. Mundu að þú þarft að vera komin/n með visa áður en þú kemur að landamærunum.

Hvenær er best að fara?

Besti tíminn er í júlí og ágúst en þá er þurrast og vegir og stígar í sínu besta ásigkomulagi. Einnig er nokkuð þurrt í nóvember og mars. Í janúar og desember er rigningartíminn.

Strandlífið á Borneó - KILROY

Ferðaráð!

Ef þú hefur stuttan tíma mælum við með því að þú veljir ákveðið svæði - Kalimantan svæðið er stórt og einnig tekur oft langan tíma að ferðast á milli staða. 

Gott er að kunna nokkra almenna frasa í tungumálinu. Heimamenn tala ekki mikla ensku og því mun það auðvelda þér mikið ferðalagið að kunna nokkra frasa eins og hvað kostar þetta?

Athugaðu að skógar hafa verið að hverfa hratt á síðustu árum vegna ólöglegs skógarhöggs. Vertu því ábyrgur ferðamaður og ekki styðja við það með því að versla trévörur.  

Langar þig að feraðst til Kalimantan?
Hafðu samband!

Hafa samband