Shanghai

Shanghai er risastór borg en falleg.
 

Shanghai – var stór en er núna STÓR!

Það er mögnuð upplifun að koma til Shanghai. Þessi gríðarstóra nútímaborg er, við fyrstu sýn, eins og hún komi úr framtíðinni en inn á milli finnur þú hverfi með hinu forn-kínverska andrúmslofti. Shanghai er einstök borg þar finnur þú ótrúlega blöndu af tísku og hefðum - hún er oft nefnd París austursins. Bókaðu ferð til Shanghai með KILROY.

Á stuttum tíma hafa mjög miklar breytingar átt sér stað í Shanghai í Kína. Borgin skiptist í tvö meginsvæði; Pudong og Puxi.

  • Pudong: Árið 1990 var Pudong enn nánast óbyggt landsvæði en núna, rétt um 20 árum seinna er svæðið þakið háum skýjakljúfum. Þar finnur þú byggingar eins og Jin Mao Tower (ein af hæstu byggingum heims), Next Age/Ba Bai Ban (stærsta verslun í Asíu), hinn fræga þrífætta sjónvarpsturn og risastórt fiskabúr. Það jafnast ekkert á við að standa á toppi eins skýjakljúfsins og horfa niður.
  • Puxi: Puxi er mjög fjölbreytt svæði þegar kemur að stíl og byggingarlist - allur skalinn frá nýlendutímanum að nútímastíl. Á ánni sem skiptir Pudong og Puxi má finna The Bund/Waitan en þar gerast hlutirnir! The Bund er stræti þar sem þú finnur frábærar verslanir, veitingastaði, bari og næturklúbba. Það er sagt að ef þú hefur ekki komið á The Bund þá hafir þú í raun ekki komið til Shanghai og við erum sammála því! Annað sem ferðamenn verða að gera þegar þeir koma til Shanghai er að ganga um garð fólksins (e. The Peoples Park) og Yu garð/Yuyang sem er dásamlegur 400 ára gamall garður með fallegum hefðbundnum húsum og byggingum ásamt því að kíkja í gamla bæinn og skoða Yuyang.

Flóamarkaður í Shanghaí - KILROY

Nú er þinn tími til að versla!

Þú átt ekki eftir að verða fyrir vonbrigðum því úrvalið af búðum, verslunum og mörkuðum í Shanghai er gríðarlegt. Það verður mjög auðvelt fyrir þig að fylla þessar aukaferðatöskur sem þú tókst með þér. Klassísku verslunarhverfin eru Nanjiung Road og Huahi Road; þar finnur þú fullt af fallegum hlutum en þeir kosta líka sitt. French Concession hverfið, með sínar litlu götur, er mun betri valkostur er kemur að verðlagi. Í Shanghai er einnig mikið af mörkuðum og þar mátt þú prútta! Qpiu Lu er skemmtilegur markaður og einnig er markaður fyrir aftan Jing-an hofið. Xiangyan, hinn frægi og umtalaði „sjóræningjamarkaður“ lokaði árið 2006 en svipaðan markað má finna á Nazheng Plaza, 580, Nanjing Road.

Shanghai - fyrir fólk með matarást!

Í Shanghai finnur þú fjölbreytta matsölustaði. Í uppáhaldi hjá okkur er 1221 sem er staðsettur á Yanan Xi Lu 1221. Þar er boðið upp á alvöru Shanghai-kínverskan mat. Það er líklega mikið af öðrum ferðamönnum þar en maturinn er svo góður að það skiptir ekki máli. Mundu bara að bóka borð tímanlega, það eru fleiri en við sem elska 1221 og það er sniðugt að taka leigubíl þangað þar sem það getur stundum reynst erfitt að finna staðinn. Annar veitingastaður sem má nefna og er aðeins ódýrari er Hunan Xiangcun Fengwei. Veitingastaðurinn stendur á Wulumugig Street (í French Concession hverfinu) og er þar Hunan matargerð. Ef það er ekki laust pláss á þessum litla stað eru margir aðrir litlir staðir við sömu götu.  Æðislegt lúxusveitingahús (sem á vestrænan mælikvarða er ekki mjög dýrt) er South Beauty sem er staðsett á Taojían Lu – þar er boðið upp á frábæran Sichuan mat í fallegu umhverfi.

Yu Yuan garðurinn í Shanghai - KILROY

… og fyrir þá sem þyrstir í næturlíf

Næturlífið í Shanghai er gríðarlega fjölbreytt - eitthvað fyrir alla. Þar finnur þú rólega jassbari, hefðbundna karókí bari og heita klúbba þar sem þú getur dansað fram undir morgun. Listinn er langur! Ef þú vilt fara á klúbba og dansa við tónlist alþjóðlegra plötusnúða þá ættir þú að taka stefnuna á The Bund. Í uppáhaldi hjá okkur er Babarossa Lounge, liggur við vatn í garði fólksins (e.  The Peoples Park) og með flottustu stöðum borgarinnar, ekki bara í hönnun heldur er andrúmsloftið einnig magnað. Stíllinn er arabískur og þér líður eins og austurlenskum prinsi eða prinsessu þar sem þú gengur um íburðarmikil setusvæði, verandir, dansgólf og barsvæði.

Hvernig er best að komast á milli staða í Shanghai?

Besta leiðin til þess að komast á milli staða í Shanghai er neðanjarðarlestarkerfið. Það er ódýrt, hraðvirkt og skilvirkt. Ef þú ert að fara á svæði sem neðanjarðarlestin gengur ekki til þá eru einnig strætóar og leigubílar. Þú getur farið á milli Pudong og Paxi með því að ganga í gegnum undirgöng, með strætó/rútu eða bát. Annar valkostur væri að taka hina segulmögnuðu MagLev lest. Ótrúlega hraðskeið en það eru ekki margar stoppistöðvar.

The bund í Shanghai - KILROY

Ferð til Shanghai er ferðalag inn í stórborg framtíðarinnar. Þar er svo margt sem hægt er að gera, bæði fyrir þá sem vilja hefðbundna borgarferð og þá sem vilja prófa eitthvað nýtt. Shanghai er án vafa ein af flottustu borgum sem við höfum komið til svo við mælum eindregið með því að þú bókir ferð þangað NÚNA!

Langar þig að heimsækja Shanghai?
Hafðu samband

Hafa samband