Tæland

Upplifðu fallegar strandir og friðsæla náttúru í Tælandi
 

Ferðir til Tælands - Nafli Asíu

Það er ekki að ástæðulausu að Tæland er vinsælasti áfangastaður Asíu. Hér getur þú notið lífsins á hvítum ströndum, heimsótt hof og frumskóga og kynnt þér frábæra matargerð. Landið er ríkt af menningu og sögu, þar er dásamlegt hitabeltisloftslag og ógrynni af skemmtilegum mörkuðum. KILROY aðstoðar þig við að upplifa allt það besta sem Tæland hefur upp á að bjóða!

Ferð til Tælands býður upp á allt sem ævintýraþyrst hjartað girnist, alveg frá hinu villta norðri til paradísareyja í suðri. Í Tælandi finnur þú fallegar hvítar strendur, sól og hita, einstaka köfunarstaði, flott kóralrif iðandi af litríku lífi, ævintýralega regnskóga, skemmtilegt dýralíf, forn hof, framandi menningu og sögu, ótrúlega góðan mat og vingjarnlegt og gestrisið fólk. Það er góð ástæða fyrir því að Tæland er kallað land brosanna!

Ferðir til Tælands með KILROY!

Til þess að gera ferðalag til Tælands enn meira heillandi, þá er svakalega ódýrt að lifa hér og það er auðvelt að finna hagstæð flug til Tælands!

Að ferðast um Tæland

Það er mjög ódýrt að ferðast um Tæland með innanlandsflugi, sérstaklega ef þú bókar á netinu. Rútur eru einnig ódýrar og þó svo að flestar bjóði upp á salerni og loftkælingu mælum við með að þú ferðist með VIP rútum. Þú borgar örlítið meira en færð mun meiri þægindin - það er vel þess virði. Auk þess eru drykkir og ýmis nasl oft innifalið í VIP rútunum.

Ef þig langar að skoða einangruð svæði sem erfitt er að heimsækja mælum við með að þú farir í skipulagða ferð með local leiðsögn. Það er t.d. nauðsynlegt ef þú vilt fara inn í frumskóg eða fara í nokkurra daga gönguferð um Tæland.

Tuk tuk bílar í Bangkok - Tæland

Algengasti ferðamátinn inni í borgum Tælands er tuk tuk (þriggja hjóla leigubílar). Það er ódýrt og þægilegt að ferðast með tuk tuk, en mundu að semja alltaf um verð áður en þú leggur af stað til þess að forðast að greiða allt of mikið. Þegar þú ferðast með venjulegum leigubílum skaltu ganga úr skugga um að bílstjórinn setji gjaldmælinn í gang.

Að versla í Tælandi

Margir sem fara til Tælands nýta tækifærið og kaupa sér mjög ódýr sérsniðin föt (jakkaföt, skyrtur o.s.frv.). Bestu kaupin í Tælandi gerir þú á götumörkuðum, en þeir eru svo margir og spennandi að þar væri auðveldlega hægt að gleyma sér í marga daga. Hægt er að gera frábær kaup á tælensku silki, skartgripum og öðru handverki ef þú ert tilbúin(n) í prútt. Einnig er hægt að kaupa ódýrar eftirlíkingar af dýrum merkjavörum eins og Rolex eða Calvin Klein. Það er venjan að prútta um verðið, en ekki ganga of langt - mundu að manneskjan sem þú ert að kaupa af þarf að sjá fyrir sér og fjölskyldu sinni.

Floating Market í Bangkok - Hér færðu frábæran mat

Matur í Tælandi

Tælenskur matur verður að fá sérstakan kafla því hann er svo stór hluti af upplifuninni á ferðalagi um Tæland. Tælenskur matur er einfaldlega frábær og þú færð að smakka hvert ljúffenga bragðið á fætur öðru. Ef þú heldur að þú hafir smakkað góðan tælenskan mat heima skaltu hugsa þig aftur um. Fjölbreytnin er ótrúleg, kryddin æðisleg og verðin hlægilega lág - sérstaklega hjá götusölum þar sem þú getur borðað heilan disk af Khao Pad (steiktum hrísgrjónum) eða Pad Thai (steiktar núðlur) fyrir 1 evru!

Spennandi upplifanir í Tælandi

Það er margt að gera og sjá í Tælandi, og þú þarft ekki að eyða öllu fríinu á ströndinni!

Við mælum með að þú farir að sjá Thai box keppni sem eru skipulagðar um allt Tæland, en þú finnur varla meira framandi afþreyingu og andrúmsloft. Ef þú kýst ögn rólegri afþreyingu er tilvalið að fara á námskeið í tælenskri matargerð. Ef þú vilt svo róa þig enn meira niður skaltu fara inn á Thai nuddstofu og njóta þess að fá dásamlegt og ódýrt nudd - eftir langt bakpokaferðalag er fátt betra. Svo er nauðsynlegt að heilsa upp á nokkra fíla í Tælandi, en vertu viss um að þú sért ekki að styðja við starfsemi þar sem illa er komið fram við dýrin. Þú getur t.d. farið í sjálfboðastarf með dýrum í Tælandi ef þú vilt komast í mikla nálægð við framandi dýr og styðja við dýravernd.

Sjálfboðavinna með fílum í Tælandi

Reyndu að upplifa ósnortna náttúru Tælands með því að fara í skipulagða ferð eða gönguferð. Ef þú vilt kynnast menningu og lifnaðarháttum heimamanna mælum við með börnum í Tælandi.

Það er mjög vinsælt að læra að kafa í Tælandi, og það er ekki að ástæðulausu! Hér er mikið um frábæra köfunarstaði, flotta köfunarskóla og svo er það ódýrara en á flestum öðrum stöðum í Asíu. Við mælum m.a. með að læra að kafa á:

Njóttu lífsins á fallegum ströndum Tælands

Veðurfar í Tælandi

Tæland er stórt land og veðurfarið því breytilegt eftir stöðum. Mikilvægt er að taka tillit til regntímabilsins þegar þú ert að skipuleggja ferðalag til Tælands. Hérna eru almennar viðmiðunarreglur:

  • Vestur Tæland: Regntímabil frá maí til nóvember. Ráðlagður ferðatími frá desember til apríl.
  • Austur Tæland: Regntímabil frá september til nóvember. Ráðlagur ferðatími frá júlí til september.
  • Norður Tæland: Regntímabil frá júlí til september. Ráðlagður ferðatími frá nóvember til apríl
Dreymir þig um að heimsækja Tæland?
Hafðu samband

Hafa samband