Paraguay

iguassu Fossarnir - Paraguay
 

Paraguay – Hin óuppgötvaða Suður Ameríka

Paraguay er gleymda landið í miðri Suður Ameríku. Bakpokaferðamenn ferðast til Argentínu, Bólivíu og Brasilíu, en í nágrannalandinu Paragvæ eru þeir jafn óalgengir og villtir úlfaldar. Í Paraguay upplifir þú þjóðgarða, ár og vel varðveittar rústir – allt á ótroðnum slóðum.

Paraguay er áfangastaður fyrir reynda ferðamenn sem vilja heldur njóta fámennara umhverfis og einfaldari skemmtunar en að standa í langri röð til að upplifa undur veraldar. Hér eru engir ágengir leiðsögumenn sem reyna að sannfæra þig um að kaupa jeppaferð. Ef þú ferðast til Paraguay í Suður-Ameríku verður þú að búa þig undir að skipuleggja allt í ferðinni upp á eigin spýtur.

Paraguay – Öðruvísi Suður-Ameríka

Á móti kemur að þú getur lifað vel hér fyrir 20-30 dollara á dag, vegna þess að Paraguay er eitt af fáum þróunarlöndum í Suður Ameríku. Þú munt sjá gríðarlegan mismun í lifnaðarháttum í Paraguay: í höfuðborginni, Asunción, sérðu BMW taka fram úr hestakerrum á aðalgötunum og sjarmerandi hús frá nýlendutímanum við hlið glansandi nýrra verslunarmiðstöðva.

Þú sérð ekki mikið af regnskógum í Paraguay. Í staðin ráða hér ríkjum grænar sléttur tilvaldar til golfiðkunar. Paraguay er mjög fámennt land: á landssvæði á stærð við Kaliforníu búa aðeins 6.5 milljónir manna. Hér eru engin fjöll og hæsti punktur landsins liggur minna en 1000 metrum yfir sjávarmáli.

Það er fólkið í Paraguay sem heillar flesta ferðamenn. Heimamenn eru afslappaðir, vinalegir og forvitnir, og þeir liggja ekki á skoðunum sínum um pólitík landsins og spillinguna á meðan þú sötrar biturt jurtate úr mjóum silfurrörum.

Á undanförnum 20 árum hafa 15% af skógum Paraguay verið höggnir til að rýma fyrir búfénaði og soja- og plöntuolíurækt. Flestir fjárfestarnir eru útlendingar og spilltir stjórnmálamenn þegja á meðan bankareikningarnir þeirra vaxa. Það lítur út fyrir að loftslagsbreytingar og koltvísýringskvótar geti breytt þessari leiðu þróun fljótlega.

Asuncion - Sjarmerandi Ringulreið

Höfuðborg Paraguay, Asuncion, liggur á landamærum landsins við Argentínu og tengir Paraguay við restina af umheiminum. Asuncion er miklu meira en ferðabækurnar vilja vera láta, og ágætis inngangur að þessu forvitnilega landi. Flestum ferðamönnum finnst Asuncion sjarmerandi án þess að geta bent á nákvæmlega hvers vegna. Borgin er óreiðukennd blanda af gömlu og nýju, háhýsum og kofum, stressuðum verslunargötum og grænum engjum. Jafnvel þótt þú gerir ekkert nema bara fylgja ferðamannabókunum í Paraguay, muntu ekki hitta marga ferðamenn. Uppáhald allra er Museu del Barro safnið. Þar má sjá allt mögulegt, t.d. handverk innfæddra, teiknimyndir og plastgræjur.

Rio Paraguay – Skoðunarferð á Ánni

Rio Paraguay áin rennur þvert yfir landið og skiptir því í tvennt: austur- og vesturhluta. Í austrinu eru grassléttur, en vesturhlutanum meira votlendi. Áin er ein aðal samgönguleiðin milli Asuncion og smábæjanna sem liggja við ána. Ef þú tekur eina af slitnu gömlu ferjunum norður kemstu í návígi við bæði náttúruna og heimamenn. Ef þú ætlar til Brasilíu, stoppaðu fyrst í nokkra daga í Concepcion til að hanga með heimamönnum og njóta þess hvað allt gerist í hægum takti þar. Norður af Concepcion breytist skoðunarferðin um ána í alvöru safarí; páfagaukar, svín og krókódílar fara í tískusýningu meðfram ánni.

Trinidad – Gleymdi liðurinn á Heimsminjaskrá UNESCO

Þrátt fyrir það að hinar vel varðveittu Jesúítarústir Trinidad hafi verið á heimsminjaskrá UNESCO frá því árið 1993, koma mjög fáir ferðamenn hingað. Þú getur labbað um í mannlausum rústunum, sem standa á fallegum stað, efst á grænum hól. Jesúítareglan vann að heimsyfirráðum Kaþólsku kirkjunnar, og náði miklum árangri í Paraguay þangað til þeim var sparkað úr landi seint á 18. öld. 

Parque Nacional Ybycui Þjóðgarðurinn – Heillandi Fossar

Í austanverðu Paraguay er einn síðasti regnskógur heims utan hitabeltisins, en hann er varðveittur í fallega þjóðgarðinum Parque Nacional Ybycui. Þetta er vinsælasti þjóðgarður Paraguay, sem þýðir samt ekki að hann sé þétt setinn eða búinn góðum aðbúnaði fyrir ferðamenn – þú verður undirbúa þig vel fyrir ferðina. Þetta er staður sem þú bara verður að sjá í Paraguay! Það eru fallegir göngustígar, sem liggja um bratt, grýtt landslagið með heillandi fossum sem frussast út um klettasprungur. Það er uppfrískandi lúxus að baða sig í einni af mörgum tjörnum garðsins, meðan falleg fiðrildi flögra í kring um þig.

Hafa samband